Vuçiqi në takim me Stuart Peach: Asociacioni është temë kyçe e jona

Presidenti i Serbisë, Aleksandër Vuçiq është takuar me të dërguarin e posaçëm të Mbretërisë së Bashkuar për Ballkanin Perëndimor, Lord Stuart Peach.

Nga takimi me Stuart Peach, Vuçiq ka venë në pah se Asociacioni i Komunave me Shumicë Serbe në Kosovë është çështje kyçe e tyre.

“Megjithatë, për ne, çështja kyçe mbetet formimi i Bashkësisë së Komunave Serbe, si detyrimet e supozuara dhe të pranuara nga Prishtina në përputhje me marrëveshjet ndërkombëtare, si dhe siguria e popullsisë serbe në Kosovë për të cilën presim mbështetjen e plotë të Mbretërisë së Bashkuar”, shkroi Vuçiq në Instagram.

Krahas kësaj, Vuçiq tha se e ka informuar Stuart Peach në lidhje me qëndrime e Serbisë për situatën në Kosovë.

“E informova Lord Peach në lidhje me qëndrimet e Serbisë lidhur me situatën aktuale në rajon dhe veçanërisht në Kosovë. Unë theksova numrin në rritje të incidenteve dhe masave të njëanëshme nga Prishtina që po rrezikojnë thellësisht sigurinë dhe mbijetesën e serbëve dhe jo-shqiptarëve në Kosovë”.

Tutje, i pari i Serbisë ka thënë se shteti që ai udhëheq do të mbetet i angazhuar në ‘ruajtjen e paqes’.