Vritet një protestues në Kuba
Shqip
Një burrë ka vdekur gjatë demonstratave të rralla anti-qeveritare në Kubë që kanë tronditur ishullin në ditët e fundit.
Diubis Laurencio Tejeda, 36 vjeç, vdiq në një periferi të Havana të hënën gjatë një përplasje midis protestuesve dhe policisë.
Sipas ministrisë së brendshme në Kuba, ai ishte pjesë e një grupi që sulmoi një strukturë qeveritare.
Disa protestues të tjerë u arrestuan.
Por, dëshmitarët thonë se forcat e sigurisë sulmuan njerëzit që kishin dalë në rrugë për të protestuar.
Demonstratat e rralla mbarëkombëtare anti-qeveritare filluan të dielën, kur mijëra njerëz filluan të protestojnë për mungesat e ushqimit dhe ilaçeve, rritjen e çmimeve dhe trajtimin e qeverisë ndaj pandemisë Covid-19.
Takime të tilla të paautorizuara publike janë të paligjshme në Kubë.
Presidenti Miguel Díaz-Canel i ka quajtur demonstruesit “kundër-revolucionarë”.
Qeveria e tij ka fajësuar Shtetet e Bashkuara dhe sanksionet e saj ekonomike, si për protestat ashtu edhe për problemet më të gjëra të Kubës. /Shqip.com
