Vritet kampioni brazilian në Jiu Jitsu, pasi u qëllua në kokë

Një nga kampionët më të mëdhenj të Brazilit në Jiu Jitsu, Leandro Lo, është qëlluar me plumb në kokë në një klub nate në Sao Paulo.

Lo, 33 vjeç, ishte në një klub në lagjen Saude kur dyshohet se u qëllua nga një oficer policie jashtë detyrës, i cili tani është në arrati, tha policia.

Sipas BBC, Lo u dërgua në spital ku disa orë më vonë u shpall i vdekur truri.

Ai ishte një nga sportistët më të suksesshëm të Jiu Jitsu, pasi kishte fituar tetë herë Kampionatin Botëror.

Sipas njëraporti policor të parë nga mediat lokale, Lo – emri i plotë i të cilit është Leandro Lo Pereira do Nascimento – u afrua nga një oficer policie jashtë detyrës ndërsa ishte jashtë me miqtë në Clube Sirio – një klub sportiv dhe social në jug të qytet.

Dëshmitarët thanë se oficeri i policisë filloi të bënte gjeste kërcënuese me një shishe qelqi në tavolinë. Më pas Lo e ndaloi dhe i tha të largohej.

Oficeri i policisë dyshohet se nxori një armë dhe e qëlloi Lo në ballë, tha policia.

Lo u dërgua me urgjencë në spital, ku u shpall i vdekur, sipas avokatit të familjes së tij. Familja e tij tha se gjendja e tij është e pakthyeshme.

Një hetim për tentativë vrasje është hapur dhe policia është në kërkim të të dyshuarit.

Lo fitoi Kampionatin Botëror tetë herë në pesë kategori të ndryshme peshash./Shqip.com