Voton kandidati për kryetar të Shtimes, Naim Ismajli
Publikuar:
(14.11.2021 13:37:06)
Kandidati për kryetar të Shtimes nga Partia Demokratike e Kosovës, Naim Ismajli, ka shfrytëzuar të drejtën e tij të votës.
Ismajli ka votuar në shkollën e mesme “Naim Frashëri”, në Shtime, shkruan Shqip.com.
Pas votimit, Ismajli u ka uruar punë të mbarë komisionerëve dhe vëzhguesve që ndodheshin brenda qendrës së votimit.
Në mesin e 21 komunave që kanë shkuar në balotazh pas zgjedhjeve lokale të 17 tetorit, është edhe Shtimja.
Në balotazh është Naim Ismajli nga PDK dhe Qemajl Aliu nga Lëvizja Vetëvendosje./Shqip.com