Vëllëzrit Klitschko e përkrahin kampionin e botës

Oleksandr Usyk është mbështetur nga ish-kampionët e botës në peshën e rëndë, Vitali dhe Vladimir Klitschko, pasi u largua nga linjat e frontit në Ukrainë për të mbrojtur titullin e tij.

Usyk ka marrë vendimin e vështirë për t’u larguar nga njësia e tij luftarake në luftën kundër Rusisë, për t’u përgatitur për revanshin e tij në peshën e rëndë – kundwr Anthony Joshua.

Por, ai do të inkurajohet nga mbështetja e Vitalit, kryetarit të bashkisë së Kievit, dhe vëllait të tij, Wladimir, i cili gjithashtu ka marrë armët për të mbrojtur qytetin e tij.

“Një mesazh shumë i rëndësishëm mund të përcillet përmes një ngjarje si kjo”, këmbënguli Vitali, i cili ka qenë kryebashkiak i Kievit që nga viti 2014 dhe është një nga politikanët më të shquar në betejën e vendit kundër agresionit rus.

“Nuk e dimë nëse për tre muaj do të ekzistojmë. Unë në fakt kam plane të flas me Oleksandr Usyk për t’i dhënë këshilla nëse ai vendos të bëjë luftën, të ketë disa mesazhe të veçanta që ai mund t’i dërgojë atje”, shtoi ish-boksieri, 50 vjeç, i cili mbante titullin e WBO World Heavyweight nga 1999. deri në vitin 2000 dhe titullin e WBC dy herë midis 2004 dhe 2013, në një intervistë për Telegrafin.

Teksa, Vladimir potencoi se “ka pro dhe kundër dhe është një vendim i vështirë për të marrë për Oleksandr Usyk, por të ngrihet flamuri ukrainas dhe të luhet himni ynë dhe një nga ambasadorët tanë të vendit tonë atje në botë me mentalitetin e duhur mund të jetë më shumë pozitiv sesa negativ”.

Besohet se Usyk do të kalojë hapat e tij në përgatitje për luftën në një palestër në Oxnard, pak jashtë Los Anxhelosit, ku ai dhe Lomachenko janë stërvitur në të kaluarën. /Shqip.com