Vela: Dhuna në Veri duhet të dënohet nga të gjithë

Blerim Vela, shef i kabinetit të presidentes së Kosovës, Vjosa Osmani, ka reaguar përmes Twitter për situatën në Veri të Kosovës.

Ai ka përmendur se gjatë ditës së sotme ka pasur sulme ndaj NATO-s e KFOR-it prej grupeve kriminale në Veri.

Sipas tij, një dhunë e tillë duhet të dënohet nga të gjithë.

“Sot kemi qenë dëshmitarë të dhunës nga strukturat ilegale të drejtuara dhe financuara nga Serbia kundër policëve të Kosovës, ushtarëve të KFOR-it dhe gazetarëve vendas të Kosovës. Një dhunë e tillë duhet të dënohet nga të gjithë. E lënë i pakontrolluar, mund të çojë në destabilizimin më të gjerë”, ka shkruar Vela.

Today, we witnessed violence by illegal structures directed and financed by Serbia against Kosovo Police officers, KFOR soldiers & local Kosovo journalists.

Such violence should be condemned by all. It left unchecked, it can lead to wider destabilization. https://t.co/Oj3VcTHyIO

— Blerim Vela (@Blerim_Vela) May 29, 2023