Vedat Muriqi nominohet për futbollistin e muajit në La Liga
Shqip
La Liga spanjolle është simbol i rilindjes për të.
Nofka “pirati” – duket që po e motivon edhe më shumë.
Vedat Muriqi është nominuar për futbollistin më të mirë të muajit shkurt – në elitën e futbollit spanjoll.
Së bashku me të – të nominuar janë edhe Aubameyang, Fekir, Torres, Courtois, Milla dhe Vivian.
Në vetëm katër ndeshje të zhvilluara – me fanelën e Mallorcas, Vedati ka arritur që gjej rrugën për te goli dy herë. Teksa, ka regjistruar edhe një asistim.
Kjo formë e tij e lartë – është edhe një lajm i mirë për Përfaqësusen e Kosovës, pasi golat e tij i duhen Dardanëve.
Por, përkundër formës së tij të lartë – e njëjtë nuk mund të thuhet edhe për Mallorcan, e cila gjendet në vendin e 16-të.
Siq duket – synim i këtij ekipi është mbijetesa në La Liga.
Muriqi është në formë huazimi te spanjollët, teksa kartonin e tij e ka Lazio.
E ardhmja e tij – mbetet ende e mjegullt pasi nuk dihet ende se ku do të luaj në sezonën e ardhshme.
Një rikthim në Turqi është raportuar, por vendimi i takon Vedatit. /Shqip.com
