Vdes profesori Abdullah Karjagdiu
Publikuar:
(28.08.2021 22:07:28)

Në moshën 84-vjeçare, ka vdekur profesori universitar, Abdullah Karjagdiu, pas një sëmundje me të cilën kishte kohë që po luftonte.
Lajmin e ka bërë të ditur djali i tij, Lirak Karjagdiu.
Abdullah Karjagdiu ishte ndër profesorët e parë universitar të gjuhës dhe letërsisë angleze, autor i dhjetëra veprave universitare, përkthyes i shumë kryeveprave letrare dhe ndër profesorët dhe veprimtarët politik më të spikatur dhe më aktiv për shumë gjenerata.
Ai po ashtu ka qenë bashkëpunëtor i ngushtë i ish-presidentit Ibrahim Rugova dhe veprimtarit Adem Demaçi.
Për vdekjen e profesorit ka ngushëlluar Kryetari i Akademisë, Shkencave dhe Arteve të Kosovës, Mehmet Kraja./SHQIP.com