Vdes nga COVID-19 “babai i bombës bërthamore të Pakistanit”

Njeriu i cili njihet si “babai i bombës bërthamore të Pakistanit”, Abdul Qadeer Khan, ka vdekur në moshën 85-vjeçare si pasojë e infektimit me COVID-19, transmeton Shqip.com.

Khan u cilësua ‘hero’ në Pakistan pasi e ktheu atë në fuqinë e parë nukleare nga bota islamike, raporton ‘BBC’.

Mirëpo, ai ishte famëkeq për faktin se kontrabandoi sekrete nukleare te shtetet si Koreja e Veriut dhe Irani.

Kryeministri i Pakistanit, Imran Khan, ka thënë se Pakistani humbi “një ikonë nacionale”.

“Ai ishte i adhuruar nga shteti ynë, për shkak të kontributit të tij vendimtar që të na bëjë shtet me armë nukleare”, ka shkruar Khan në Twitter.

ڈاکٹرعبدالقدیر خان کے انتقال پر بےحد افسردہ ہوں۔ہمیں ایک جوہری اسلحے سےلیس ریاست بنانےمیں انکے اہم کردار کےباعث قوم انہیں محبوب رکھتی تھی۔ انکی اس خدمات نےہمیں خود سےبہت بڑے ایک جارحیت پسند اور جوہری ہمسائےسےمحفوظ بنایا۔ عوامِ پاکستان کیلئےان کی حیثیت ایک قومی ہیرو کی سی تھی۔

— Imran Khan (@ImranKhanPTI) October 10, 2021

Shkencëtari ishte i rëndësishëm në ngritjen e uzinës së parë të pasurimit bërthamor në Pakistan, në Kahuta afër Islamabadait.

Deri në vitin 1998, vendi kishte kryer testet e para bërthamore. Puna e Khanit ndihmoi që të vulosej vendi i Pakistanit si fuqia e shtatë bërthamore në botë dhe nxiti gëzim nacional.

Ai u arrestua në vitin 2004 për ndarjen e paligjshme të teknologjisë nukleare me Iranin, Libinë e Korenë e Veriut.

Khan u fal nga presidenti i atëhershëm i Pakistanit, Pervez Musharraf, por ai u mbajt në arrest shtëpiak deri në vitin 2009. /Shqip.com