Vdes gazetari dhe prezantuesi i BBC-së, George Alagiah

George Alagiah, një nga gazetarët më jetëgjatë dhe më të respektuar të BBC-së, ka vdekur në moshën 67-vjeçare, nëntë vjet pasi u diagnostikua me kancer.

Një deklaratë nga agjenti i tij tha se ai “vdiq i qetë sot, i rrethuar nga familja dhe të dashurit e tij”.

“George ishte thellësisht i dashur nga të gjithë ata që e njihnin, qofshin një mik, një koleg apo një pjesëtar i publikut”, thuhet në deklaratë.

“Ai thjesht ishte një qenie njerëzore e mrekullueshme. Mendimet e mia janë me Franin, djemtë dhe familjen e tij më të gjerë”, thuhet tutje në deklaratë.

Alagiah vdiq më herët të hënën, por “luftoi deri në fund të hidhur”, shtoi agjenti i tij.

Drejtori i përgjithshëm i BBC Tim Davie tha: “Nëpër BBC, të gjithë jemi jashtëzakonisht të trishtuar kur dëgjojmë lajmet për George. Ne po mendojmë për familjen e tij në këtë kohë”.

“George ishte një nga gazetarët më të mirë dhe më të guximshëm të gjeneratës së tij, i cili raportoi pa frikë nga e gjithë bota, si dhe prezantoi lajmet pa të meta”.

“Ai ishte më shumë se një gazetar i shquar, audienca mund të ndiente mirësinë, ndjeshmërinë dhe humanizmin e tij të mrekullueshëm. Ai ishte i dashur nga të gjithë dhe do të na mungojë pa masë”, tha ai.