Vazhdojnë problemet për Bonucci, mungon kundër Torinos
Juventusi do të jetë pa qendërmbrojtësin, Leonardo Bonucci në përballjen me Torinon.
Massimiliano Allegri ka njoftuar se Bonucci do të mungojë në derbin e Torinos dhe është në dyshim për sfidën e Ligës së Kampionëve kundër Villarrealit që zhvillohet në javën e ardhshme.
“Ndeshja e nesërme është vërtet e komplikuar. Sigurt do të mungojë Leonardo Bonucci. Ai ka lodhje muskulore dhe do të shohim nëse do të mund të rikuperohet për të martën”, ka thënë Allegri.
Qendërmbrojtësi i Juventusit e zhvilloi ndeshjen e parë të vitit 2022 në javën e kaluar kundër Atalantas, mirëpo tani duket se është lënduar përsëri.
Ai këtë stinor ka zhvilluar 23 paraqitje në të gjitha garat dhe ka arritur ta gjej rrjetën tri herë.
“Zonja e Vjetër” këtë stinor po lufton për një vend në Top-katërshe në Serie A dhe pas 25 ndeshjeve të zhvilluara gjendet në vendin e katërt me 46-të pikë.
Juventusi përballet me Torinon të premten me fillim nga ora 20:45./Shqip.com