Varane nuk është penduar për kalimin në Old Trafford
Shqip
Mbrojtësi i Manchester United, Raphael Varane thotë se nuk është penduar që u transferua në Old Trafford.
Reprezentuesi francez, 29 vjeç, iu bashkua United verën e kaluar, por një kombinim i lëndimeve dhe forma e ekipit të tij të ri hodhi një hije mbi sezonin e tij debutues.
Duke u larguar nga Real Madrid, ai humbi mundësinë për të fituar një titull të katërt në La Liga dhe një sukses të pestë në Ligën e Kampionëve.
Por ai hedh poshtë idenë se ai bëri zgjedhjen e gabuar, duke thënë për BBC Sport: “Jo, absolutisht jo”.
“Në futboll duhet të sfidosh veten dhe të përpiqesh të përmirësohesh. Doja të jetoja një tjetër eksperiencë pas 10 vitesh në të njëjtin vend. Premier League është absolutisht fantastike dhe Manchester United është një klub i madh. Nuk kishte asnjë dyshim për vendimin tim”, tha ai.
Aventura e tij në Angli nuk ka qenë aq e suksesshme sa pritej, për shkak të lëndimeve të shumta, por francezi do të marrë një mundësi tjetër me trajnerin e ri Erik Ten Hag./Shqip.com
