Investigim

“Vallëzimi, muzika dhe arti lëvizin botën, jo dhuna”, vallëzim për Ukrainën në Londër

Marrë nga The Theatre Time

Yjet e baletit ndërkombëtar do të marrin pjesë në një gala bamirësie në Londër, për të mbledhur para për njerëzit në Ukrainë.

“Dance for Ukraine” do të shfaqë balerinën më të shquar ruse jashtë Rusisë së bashku me artistë nga Baleti Mbretëror, Baleti Kombëtar anglez dhe Baleti i Operas së Parisit.

Të ardhurat do të shkojnë për apelin humanitar të Komitetit të Emergjencave të Fatkeqësive në Ukrainë, shkruan The Guardian.

Ceremonia do të drejtohet nga ylli ukrainas i baletit Ivan Putrov dhe balerina rumune Alina Cojocaru, të cilët u stërvitën së bashku në Kiev përpara se t’i bashkoheshin Baletit Mbretëror.

“Ceremonia ka të bëjë me qëndrimin për vlerat njerëzore. Uniteti ynë forcon mesazhin. Pjesëmarrja e të gjithëve do të ndihmojë dikë ashtu si ata që u gjendën në rrethana të vështira për shkak të dhunës së luftës”, ka thënë Pultrov.

“Vallëzimi, muzika dhe arti lëvizin botën, jo dhuna. Meqenëse ne, artistët, posedojmë dhuratën – duhet ta përdorim atë.”

Të gjithë të përfshirët në ceremoni po dhurojnë shërbimet e tyre dhe Opera Kombëtare Angleze ka hequr dorë nga tarifa e saj për Coliseumin e Londrës, ku edhe do të mbahet ceremonia.

Disa shtëpi ankandesh dhe galeri kanë shpallur gjithashtu shitje dhe ngjarje për mbledhjen e fondeve.