Vajza e balerinit të njohur shqiptar, pjesë e filmit me aktorët e njohur

Nuk ka qenë aspak e vështirë të kuptohej rruga e shtruar, por edhe sfiduese e Emily Shaqirit.

Nga njëra anë, e shtruar nga i ati dhe, nga ana tjetër, sfiduese po nga ai.

Sepse nuk ka qenë e lehtë të jesh si ai, të punosh si ai apo edhe të performosh si ai.

Ama Ilir Shaqiri, sot është krenar për zonjushën e bukur që, veç kërcimit dhe këngës, së shpejti do të jetë edhe aktore.

Në dokumentarin ndërkombëtar “Alberto Sordi secret” të Igor Righetti-t, do të jetë pjesë edhe Emily Shaqiri, vajza e balerinit të njohur shqiptar, fitues i “BBV Albania 1”.

Mes aktorëve që do të jenë pjesë, ka emra të njohur si; Fioretta Mari, Emanuela Aureli, Daniela Giordano, Maurizio Mattioli, Enzo Salvi, Mirko Frezza, Daniele Foresi, Vincenzo Boçiarelli, Fabrizio Raggi, Dado Coletti, Lorenzo Castelluçio, Daniel Panzironi, Valerio Mammolotti etj.

“Alberto Sordi secret” është bazuar në librin me të njëjtin titull të shkruar nga gazetari dhe prezantuesi i Rai-t, Igor Righetti, kushëriri i aktorit.

Shfaqja në kinema është planifikuar më 28 qershor, pasi aktori Alberto Sordi do të mbushte 104 vjeç në datën 15 të po këtij muaji.

Emily është gjithashtu një kërcimtare dhe këngëtare.

Në Shqipëri, ajo ka marrë pjesë në programin “Dancing with the stars” dhe në vitin 2015 në “Tú sí que vales” duke shfaqur një koreografi kërcimi së bashku me të atin.

Në moshën 7-vjeçare, Emily luajti në dramën Rai1 “Una buona stagione” dhe, më pas, përsëri në kanalin e parë televiziv publik italian, mori pjesë në filmin e shkurtër “Doppia Luce” për të cilin fitoi çmimin “Aktorja më e mirë dytësore”, në vitin 2012, në Festivalin e Filmit Superman, në Illinois.

Në vitin 2018 ajo luajti Emily Taylor, një nga protagonistet e serialit televiziv për fëmijë “Idol x Warrior Miracle Tunes” me regji të Roberto Cenci-t.

Në vitin 2019 ai publikoi pjesën e tij të parë muzikore të titulluar “Bugie Meravigliose”, së bashku me Giulia Sara Salemi në dyshen Emily & Giuly dhe në vitin 2022 publikoi këngën e tij të parë solo “Va tutto bene”.

Në vitin 2023, ajo luajti Katia në sezonin e dytë të serialit televiziv “Di4ri”.