Uzuni në planet e skuadrës kampione

Myrto Uzuni ishte një nga lojtarët më të mirë në La Liga 2 sezonin e kaluar, ku u shpall edhe golashënuesi më i mirë, duke ndihmuar Granadën të rikthehej në elitën e futbollit spnajoll.

Kjo gjë nuk kaloi pa rënë në syrin e shumë klubeve të mëdha në Spanjë, teksa bëhet me dije dhe se cili klub ka shfaqur interes për yllin e Kombëtares shqiptare.

Siç raporton “Copa”, Sevillla është gati që të bisedojë me Granadën rreth shërbimeve të Uzunit, duke e parë atë si zëvendësuesin e duhur të En-Nezirit, i cili pritet të largohet.

Gjithashtu edhe mediat rreth kampionëve të Ligës së Europës kanë filluar të analizojnë sulmuesin kuqezi, duke e konsideruar si një lëvizje të zgjuar nga ana e Sevillas.