Ushtari amerikan e pranon se u përpoq ta ndihmonte ISIS-in

Një ushtar i ushtrisë amerikane është deklaruar fajtor se ishte përpjekur të ndihmojë grupin e Shtetit Islamik (IS) për të sulmuar dhe vrarë anëtarët e shërbimit amerikan në Lindjen e Mesme.

Departamenti i drejtësisë tha gjithashtu se ai u deklarua fajtor edhe për përpjekjen për të ofruar mbështetje materiale për një organizatë të huaj të caktuar terroriste, raporton BBC.

Cole Bridges, i njohur si Cole Gonzales, ndau informacione me një agjent federal të fshehtë, tha departamenti.

Ai mund të përballet me 40 vjet burg.

Bridges iu bashkua ushtrisë amerikane rreth shtatorit të vitit 2019 dhe ishte me bazë në Fort Stewart, Georgia.

Ai shpejt filloi “hulumtimin dhe konsumimin e propagandës në internet që promovonte xhihadistët dhe ideologjinë e tyre të dhunshme”, sipas një deklarate të Zyrës së Prokurorit të SHBA.

Bridges ndau zhgënjimet e tij me ushtrinë amerikane dhe vuri në dukje dëshirën e tij për të ndihmuar IS – i referuar gjithashtu si ISIS – agjentit të fshehtë të FBI-së.