UNICEF: Dy miliardë njerëzve u mungon uji i pijshëm

Në të gjithë botën, 2 miliardë njerëzve u mungon uji i pijshëm i sigurt, tha Organizata Botërore e Shëndetësisë dhe UNICEF në një deklaratë të përbashkët të mërkurën.

Deklarata, e cila u bën thirrje të gjitha kombeve të “përshpejtojnë rrënjësisht veprimet” për ta bërë ujin, kanalizimet dhe higjienën (WASH) realitet për të gjithë, erdhi përpara Konferencës së Ujit të OKB-së në Nju Jork.

“Numrat janë tronditës në mbarë botën, 2 miliardë njerëzve u mungon uji i pijshëm i sigurt dhe 3.6 miliardë njerëz pothuajse gjysma e popullsisë së botës përdorin shërbime sanitare që lënë mbetjet njerëzore të patrajtuara”, thanë organizatat.

Miliona fëmijë dhe familje nuk kanë shërbime adekuate WASH, thanë organet e OKB-së, pasi paralajmëruan se “pasojat shpesh mund të jenë vdekjeprurëse”.

“Këto shërbime janë kyçe për zhvillimin e shëndetshëm te fëmijët dhe për ruajtjen e mirëqenies si të rritur”, thanë OBSH dhe UNICEF, shkruan Anadolu.