Ukraina nën frikën e një sulmi në natën e Vitit të Ri

Ministri i Energjisë së Ukrainës, Herman Halushchenko, është shprehur se situata energjetike mbetet “e vështirë” për shkak të rrezikut nga bombardimet ruse, duke paralajmëruar se nata e Vitit të Ri mund të shkaktojë një “dëm maksimal”.

Duke folur në një televizion ukrainas ditën e sotme, Halushchenko tha se Ukraina është përpjekur që të reduktojë deficitin e energjisë elektrike.

“Ka një ndjenjë që rusët nuk kanë refuzuar të vazhdojnë të bombardojnë sistemin tonë energjetik. Ata janë të lidhur me data të caktuara. Mendoj se Viti i Ri është një nga datat e tilla kur ata do të përpiqen të shkaktojnë dëme maksimale në sistemin energjetik. Situata është e tillë që është padyshim e vështirë të planifikohet diçka, sepse ne nuk e dimë vëllimin e granatimeve të mundshme në të ardhmen dhe sasinë e dëmit që do të shkaktojë në sistemin elektroenergjetik. Situata është e tillë që është padyshim e vështirë të planifikohet diçka, sepse ne nuk e dimë vëllimin e granatimeve të mundshme në të ardhmen dhe sasinë e dëmit që do të shkaktojë në sistemin elektroenergjetik”, shkruajnë mediat e huaja.

Kompania shtetërore e energjisë e Ukrainës Ukrenergo tha të martën se deficiti i energjisë në sistem ishte “ulur pak për shkak të rritjes së vëllimeve të prodhimit të termocentraleve” por se “kapaciteti i disponueshëm në sistem nuk është ende i mjaftueshëm për të përmbushur të gjitha nevojat e konsumatorëve. në vend”, sepse niveli i konsumit të energjisë elektrike ishte rritur në të njëjtën kohë.

Ndërsa, kryeministri i Ukrainës, Volodymyr Zelensky, ka thënë se rreth 9 milionë njerëz janë duke vuajtur mungesën e energjisë elektrike në rajone të ndryshme të vendit.