U emërua Shefi i ri i EULEX-it
Shqip
Këshilli i EULEX-it sot ka emëruar shefin e ri të misionit të BE-së për Sundimin e Ligjit në Kosovë.
Giovanni Pietro Barbano do të zëvendësojë Lars-Gunnar Wigemark.
“Barbano është Gjeneral Major në Karabinierët Italianë dhe Drejtor aktual i Qendrës së Ekselencës për Njësitë e Policisë së Stabilitetit në Vicenza, Itali. Mandati i tij si Shef i EULEX-it në Kosovë do të zgjasë nga 26 qershor 2023 deri më 14 qershor 2025”, thuhet në njoftim për media nga zyra e EULEX-it.
Vendimi për emërimin e Barbano u mor nga vendet anëtare të BE-së në Komitetin Politik dhe Siguri (KPS).
“Për më tepër, Këshilli së fundi e zgjati mandatin e misionit deri më 14 qershor 2025 dhe në përputhje me rishikimin e fundit strategjik të EULEX-it në Kosovë, vendosi që, përveç vazhdimit të zbatimit të detyrave të tij, misioni do të ndihmojë autoritetet e zbatimit të ligjit të Kosovës në duke zhvilluar kapacitetet e tyre për të shkëmbyer informacione me homologët rajonalë dhe ndërkombëtarë në fushën e asistencës ligjore dhe bashkëpunimit në çështjet penale”, thuhet në fund të njoftimit.
/Shqip.com
