Tuchel: Chelsea mund të vuajë edhe më shumë në Santiago Bernabeu

Trajneri i Chelseat , Thomas Tuchel, ka paralajmëruar lojtarët e tij se mund të vuajnë edhe më shumë në Madrid në ndeshjen e dytë çerekfinale të Ligës së Kampionëve.

“Blutë” u mposhtën nga Real Madrid në Stamford Bridge në ndeshjen hapëse me superyllin francez Karim Benzema që realizoi një Hat-trick në Londër.

Tuchel ka pretenduar se gjërat mund të përkeqësoheshin edhe më shumë nëse skuadra e tij nuk reagon.

“Është një humbje e rëndë. Ishte një nga pjesët e para më të këqija që kam parë nga ne në Stamford Bridge. Individualisht dhe si ekip nuk mjaftonte. Ishte larg standardeve tona dhe kështu humbisni ndeshjet. Gjithmonë mund të ktheheni dhe ta fitoni atë, por kur e vrisni lojën vetë pas 45 minutash, është gjithnjë e më e vështirë,” tha Tuchel në një intervistë me BT Sport, të raportuar nga BBC Sport.

Chelsea ndeshjen e radhës e ka në Premier League në shtëpi me Southamptonin këtë fundjavë, përpara se të udhëtojë për t’u përballur me Real Madridin më 12 Prill./Shqip.com