Sport Shqiptar

Tubohet Kosova U19 në hendboll

Në atmosferë shumë pozitive ka nisur grumbullimi i hendbollistëve të Kosovës U19.

Hendbollistet tona të reja janë mbledhur të hënën në Gjakovë, ndërsa përkushtimi është maksimal për t’u përgatitur sa më mirë për Kampionatin Evropian që mbahet në Prishtinë. Edhe te shtabi teknik janë të vendosur që grumbullimi të shfrytëzohet maksimalisht për të rritur nivelin e lojtareve tona, shkruhet në njoftimin e FHK-së, përcjell Shqip.com.

Fakti që Evropiani zhvillohet në Kosovë shërben si motivim, por edhe si përgjegjësi për paraqitje sa më të denjë.

Fillimisht fokusi është te përgatitja fizike, ndërsa pos kryetrajnerit Granit Sahiti dhe trajneres Fatmire Basholli me lojtaret tona po punon edhe trajneri kondicional, Enver Tahiri.

Evropiani i Divizionit B mbahet prej 8 deri më 16 korrik në Prishtinë.

Kosova U19 është në Grupin A së bashku me Sllovakinë, Italinë, Finlandën dhe Britaninë e Madhe.

Ndeshja e parë, Sllovaki – Kosovë, është më 8 korrik nga ora 19:30.

/Shqip.com