Lajme

Trendafilova anulon vizitën në Gjilan, pas paralajmërimit nga PSD-ja për protestë

Ekaterina Trendafilova - Kryetarja e Dhomave të Specialiuzra të Kosovës
Ekaterina Trendafilova - Kryetarja e Dhomave të Specialiuzra të Kosovës

Kryetarja e Dhomave të Specializuara, gjykatësja, Ekaterina Trendafilova, ka anuluar aktivitetin me shoqërinë civile i paraparë të mbahet në Gjilan më 21 shtator.

Ky vendim erdhi pas paralajmërimit për protestë nga Partia Socialdemokrate.

Si rrjedhojë e kësaj, aktivitetet janë zhvendosur në zhvillim përmes internetit.

”Pas shqyrtimit të kujdesshëm të situatës së re të krijuar lidhur me protestat e paralajmëruara kundër aktivitetit me shoqërinë civile të mërkurën në Gjilan, me Kryetaren e Dhomave të Specializuara, Gjykatëse Ekaterina Trendafilova, sot u vendos që aktiviteti të zhvillohet përmes internetit”, thuhet në komunikatën për media.

Trendafilova ndodhet në Kosovë për të biseduar për punën e Dhomave të Specializuara dhe për t’iu përgjigjur çdo pyetjeje që mund të kenë pjesëmarrësit.

Sipas Trendafiloves “një shkëmbim i tillë mund të zhvillohet vetëm në një mjedis të sigurt dhe konstruktiv”.

Partia Socialdemokrate gjatë përgatitjes të afisheve për protestën kundër kryetares të Dhomave të Specializuara, Ekaterina Trendafilova,

Theksojmë se kryetari i PSD-së, Dardan Molliqaj kishte kërkuar që protestës t’i bashkohen edhe veteranët e luftës.

Lexo edhe:
Trendafilova në Kosovë – PSD në protestë: Të bashkohen edhe veteranët

Gjatë një konference për media, Molliqaj kishte paralajmëruar protestë masive në shenjë njoftimi “se qytetarët nuk janë dakord me veprimet e Gjykatës Speciale”./Shqip.com