Trazirat e Kapitolit: Paqartësi se çka ndodhi me të dhënat
Shqip
Një gjykatës amerikan po beson që një komitet i Kongresit që heton trazirat e Kapitolit mund të ketë akses në disa nga të dhënat e Shtëpisë së Bardhë të ish-Presidentit Donald Trump.
Trump kishte kërkuar të përdorte privilegjin ekzekutiv, sipas të cilit dokumentet presidenciale mund të mbahen sekret.
Hetimi po përpiqet të zbulojë nëse Trump kishte njohuri paraprake për trazirat.
Mbështetësit e Trump sulmuan ndërtesën e Kapitolit më 6 janar, ndërsa Kongresi po vërtetonte fitoren zgjedhore të Presidentit Joe Biden.
Trump ka refuzuar të pranojë humbjen e zgjedhjeve vitin e kaluar, duke pretenduar – pa prova – se ato ishin manipuluar.
Hetimi po kryhet nga një komitet i ngritur nga Dhoma e Përfaqësuesve, i cili dominohet nga demokratët e Presidentit Biden.
Paneli dëshiron të shohë një grumbull të dhënash telefonike, regjistrat e vizitorëve dhe dokumente të tjera të Shtëpisë së Bardhë që mund të hedhin dritë mbi ngjarjet që çuan në sulmin ndaj Kongresit.
Ajo ka lëshuar thirrje për disa ndihmës të Trump për të dëshmuar para ligjvënësve.
Trump – një republikan – kishte argumentuar se komunikimet e tij në Shtëpinë e Bardhë ishin të mbrojtura dhe si të tilla nuk duhet të publikoheshin.
Por gjykatësja e qarkut të SHBA, Tanya Chutkan vendosi që Arkivi Kombëtar, agjencia federale që mban të dhënat, duhet të përmbushë kërkesën e panelit. /Shqip.com
