Trajneri i Belgjikës e këshllon Lukakun të vendosë për të ardhmen në merkaton e verës
Shqip
Chelsea pagoi mbi 100 milionë euro për shërbimet e tij.
Por, Romelu Lukaku nuk po kalon momente lavdie në “Stamford Bridge”.
Teksa për situatën e tij, ka folur edhe selektori i kombëtares belge, Roberto Martinez .
Në një intervistë për “The Sun”, Martinez në mënyrë indirekte e këshilloi Lukakun që të ndërrojë skuadër në merkaton e verës.
“Ai është një nga lojtarët për të cilët vera mund të jetë një moment i madh për karrierën e tyre. Nuk do të gjykoj apo vlerësoj gjendjen e ndonjë lojtari deri pas verës, sepse nuk është një situatë normale”.
Teksa, shtoi se “Romelu duhet të vlerësohet se si ndihet në shtator, në të njëjtën mënyrë si Eden Hazard dhe disa të tjerë”.
Numri nëntë i kampionëve të Evropës – ka kontratë valide deri në vitin 2027.
Teksa, vlera e tij në tregun e transferimeve sipas “Transfermarket” konsiderohet të jetë 85 milionë euro. /Shqip.com
