Tottenhami “kafshatë e lehtë” për Chelsean
Pikët e plota të derbit lonidenez ndërmjet Tottenhamit dhe Chelseat janë “rrëmbyer” nga skuadra mysafire.
Kampionët e Evropës shënuan fitore të pastër 0-3, në një ndeshje e cila u dominua totalisht nga ta, shkruan Shqip.com.
Goli i parë në këtë takim u shënua nga Thiago Silva në minutën e 49-të.
Për 36 vjeçarin ky ishte goli i parë personal në këtë sezonë, ndërsa u asistua nga Marcos Alonso.
Për ta dyfishuar epërsinë u përkujdes i rikthyeri nga lëndimi, N’golo Kante, që u asistua nga Mateo Kovacic, ndërsa për epilogun përfundimtar realizoi Antonio Rudiger.
Chelsea vazhdon të mbetet në pozitën e dytë me 13 pikë, njëjtë sa ka edhe Liverpooli që është lider në ishull.
Në anën tjetër, Tottenhami bie në pozitën e pestë dhe kjo ishte humbja e dytë radhazi.
Në gjiron e ardhshme, Chelsea do të takohet me Manchester Cityn që pritet të jetë kryendeshja e javës, ndërsa Tottenhami do luajë në udhëtim te Arsenali./Shqip.com