Tottenhami gati të bëj një ofertë të lartë për Bremer

Gleison Bremer është bashkuar me Juventusin në verën e vitit të kaluar nga Torino.

Por aventura e brazilianit te bardhezinjtë mund të përfundojë pas vetëm një viti, pasi e ardhmja e tij mund të jetë në Angli.

Në fakt Bremer nuk i ka arritur pritshmëritë që kishin bardhezinjtë për të dhe mund të pranojnë largimin e tij në rast të një oferte të mirë.

Calciomercato ka raportuar se skuadra londineze Tottenham Hotspur është gati të shpenzojë 50 milionë euro për transferimin e brazilianit në kryeqytetin anglez në verë.

Kjo ofertë duket e kënaqshme për Zonjën e Vjetër që po e diskutojnë shitjen e brazilianit në afatin kalimtar veror.