Tërmetet në Turqi dhe Siri dëmtojnë kështjellën 2000-vjeçare të Gaziantepit

Një numër i objekteve të trashëgimisë kulturore janë dëmtuar pasi një tërmet goditi Turqinë qendrore dhe jugore dhe Sirinë veriperëndimore të hënën.

Tërmeti regjistroi një magnitudë 7.8 ballë, u pasua më pak se 12 orë më vonë nga një tërmet i dytë me magnitudë 7.5 ballë në Turqinë juglindore.

Mbi 1200 njerëz janë raportuar të vdekur në të gjithë Turqinë dhe Sirinë, me mijëra të tjerë të plagosur, sipas raporteve zyrtare.

Presidenti turk Rexhep Tajip Erdogan pretendon se mbi 2300 ndërtesa janë shkatërruar. Viktimat dhe dëmet e njohura pritet të rriten.

Ndërkaq, një prej objekteve më të njohura kulturore të Turqisë, Kalaja e Gaziantepit ka pësuar gjithashtu dëmtime.

Kalaja historike prej guri, u ndërtua nga Perandoria Hitete si një kullë vrojtimi gjatë mijëvjeçarit të dytë pes.

Romakët e zgjeruan kështjellën në shekullin e dytë dhe të tretë, dhe ajo u zgjerua përsëri nga perandori bizantin Justiniani në shekullin e pestë. Kalaja kishte 12 kulla dhe një hendek që e rrethonte.

Pas tërmetit, disa mure mbajtëse të kalasë janë dëmtuar

Pranë kështjellës, kupola dhe muri lindor i xhamisë Shirvani të shekullit të 17-të thuhet se janë shembur pjesërisht.

Katedralja e Ungjillit në qytetin jugor turk Iskenderun është shembur pothuajse tërësisht,  sipas mediave lokale. 

Kisha katolike u ndërtua fillimisht midis 1858-71 dhe, pas një zjarri, u rindërtua në 1901.