Tentohet të grabitet një bankë në Çagllavicë
Shqip
Një filiali i një bankë është tentuar që të grabitet sot rreth orës 10:45 në Çagllavicë të komunës së Prishtinës.
Lajmin për SHQIP.com e ka konfirmuar zëdhënësi i policisë për rajonin e Prishtinës, Agron Borovci.
Borovci tha se pas marrjes së informacionit policia ka dalë në vendngjarje dhe bazuar në të dhënat e para janë ngritur dyshimet se në këtë tentativë grabitjeje kanë marrë pjesë tre të dyshuar të cilët më pas kanë ikur nga vendi i ngjarjes.
“Deri më tani nuk raportohet për persona të lënduar. Aktualisht policia ka iniciuar një hetim lidhur me rastin dhe ka nisur me ndërmarrjen e veprimeve të nevojshme policore me qëllim zbardhjen e rastit si dhe identifikimin e të dyshuarve”, tha Borovci.
Ndryshe, raste të tilla janë shpeshtuara kohëve të fundit./SHQIP.com
