Ten Hag paralajmëron Harry Maguire

Trajneri i Manchester United, Erik ten Hag, ka paralajmëruar Harry Maguire se vendi i tij në formacionin fillestar nuk është një garanci pavarësisht se është kapiten i klubit.

Maguire u la në pankinë nga menaxheri i Manchester United në ndeshjen e fundit të Premierligës kundër Liverpool-it, ku ata regjistruan fitoren e tyre të parë këtë sezon.

Duke folur me gazetarët përpara ndeshjes së Manchester United kundër Southampton, Ten Hag tha se edhe pse ai është kapiten nuk e ka vendin e sigurt në skuadër.

“Nuk do të thotë kur je kapiten, je i vendosur për të luajtur gjithmonë, veçanërisht kur ke gjithashtu Varane në skuadrën tënde. Ne kemi opsione Shtati i Varane është i jashtëzakonshëm dhe në fazën parasezonale, ne morëm një vendim për ta ndërtuar atë fizikisht, kështu që ai pati një fillim të ngadaltë.”

Dyshja e qendërmbrojtësve të Raphael Varane dhe Lisandro Martinez rezultuan të jenë të shkëlqyera kundër Liverpool-it dhe trajneri holandez mund të mos dëshirojë të ndryshojë kombinimin fitues në ndeshjet e ardhshme.

Manchester United do të shpresojë të vazhdojë në fitoren e tyre kundër Liverpool-it dhe të marrë tre pikë ndërsa do të përballet me Southampton jashtë shtëpisë të shtunën./Shqip.com