Telefoni kinez që po synon t’i zbresë nga froni gjigantët e teknologjisë

Huawei nova 11 Pro, po synon të vendoset fort në rangun e telefonave të cilësisë së lartë.

Telefoni vjen me një kabllo USB dhe një karikues 100W.

Huawei pretendon se telefoni i saj i ri do të karikohet deri në 100% në vetëm 20 minuta nëse nuk e përdorni ose në 50% në 15 minuta nëse e përdorni.

Ekrani i këtij telefoni është OLED 6,78 inç me një ritëm rifreskimi prej 120 Hz, ka mbështetje për HDR10.

Brenda është vendosur një çip Snapdragon 778G i kufizuar në 4G dhe është i lidhur me 8 GB RAM memorje. Bateria është 4,500 mAh, me 256 GB ose 512 GB hapësirë të brendshme.

Sa i përket kamerës, Huawei nova 11 Pro ka dy të tilla në pjesën e përparme dhe dy në anën e pasme.

Në pjesën e përparme, ka një aparat fotografik selfie ultra të gjerë prej 60 MP 17 mm, me fokus automatik dhe një kamerë selfie portret 8MP 52 mm, gjithashtu me autofokus. Në anën e pasme, ka një kamerë të gjerë prej 50 MP dhe një kamerë ultra të gjerë 8 MP, të dyja me fokus automatik.

Huawei nova 11 Pro i mungojnë shërbimet Google Play, megjithatë, Galeria e Aplikacioneve të Huawei tani mbulon pothuajse të gjitha aplikacionet që do t’i duheshin një përdoruesi normal, të cilat së bashku me specifikat e shkëlqyera dhe pamjen ekstravagante, mund ta bëjnë telefonin nova 11 Pro një zgjedhje solide.