Talat Xhaferi akuza të forta Albin Kurtit: Po ndërhyn në politikën e Maqedonisë së Veriut

Kryeministri i Maqedonisë së Veriut, Talat Xhaferi flet hapur dhe ngre gishtin e akuzave në adresë të Albin Kurtit.

Xhaferi në një intervistë për “Kallxo Përnime”, ka thënë se kryeministri i Kosovës, Albin Kurti, po përzihet në politikën e Maqedonisë së Veriut.

Kreu i qeverisë maqedonase ka thënë se një gjë e tillë nuk i bën mirë as Kosovës e as Lëvizjes Vetëvendosje që drejton Kurti.

“Nuk mund të definohet ndryshe përpos përzierje atë, përderisa një kryeministër qoftë edhe nën pretekstin si kryetar i një subjekti politik në çfarëdo aspekti, mund të edhe të përceptohet si përzierje. Nuk mendoj që i bën mirë Kosovës dhe vetë subjektit që udhëheq, për shumë arsye. Kjo sepse hap dyer që nuk duhen hapur. Ne jemi për të bërë ndryshime për të mirë”– ka thënë Xhaferi.