Tajani: Asociacioni duhet të krijohet sa më pare

Ministri i Punëve të Jashtme të Italisë, Antonio Tajani, tha se Asociacioni i Komunave Serbe duhet të themelohet pa vonesa të mëtejshme.

Më tutje ai tha se marrëveshja e arritur në Ohër më 18 mars, bazuar në propozimin evropian, tani ofron një mundësi të jashtëzakonshme për të vazhduar normalizimi i marrëdhënieve ndërmjet Beogradit dhe Prishtinës.

Tajani iu referua pjesëmarrjes aktive të Italisë në dialogun ndërmjet Beogradit dhe Prishtinës me ndërmjetësimin e Bashkimit Evropian, duke theksuar se kjo nuk është asgjë e re, por një drejtim që ata gjithmonë e kanë mbështetur dhe që e konsiderojnë të nevojshëm për ruajtjen e paqes dhe stabilitetit. në rajon, me rëndësi strategjike për Italinë dhe Evropën.

“Para së gjithash, jemi të bindur se marrëveshjet e nënshkruara deri më tani mes dy palëve duhet të zbatohen plotësisht, duke filluar me themelimin e Asociacionit të Komunave me shumicë serbe, e cila duhet të krijohet pa vonesa të mëtejshme, në përputhje me dispozitat e Marrëveshjes së Brukselit. Marrëveshja e arritur në Ohër më 18 mars në bazë të propozimit evropian tani ofron një mundësi të jashtëzakonshme për të vazhduar normalizimin e marrëdhënieve ndërmjet Beogradit dhe Prishtinës, që është thelbësore për perspektivën evropiane të të dyja palëve”, thotë Tajani.

Pala kosovare dhe ajo serbe nën ndërmjetësimin e BE-së mbajtën një takim të shtunën e kaluar në Ohër ku edhe arritën marrëveshje në mes veti por që nuk u nënshkrua nga pala serbe.