Tahiri: Nuk kemi fare presidente, Osmani është e dominuar nga Kurti
Shqip
Ish-kryenegociatorja e Kosovës në dialogun me Serbinë, Edita Tahiri, ka thënë se presidentja Vjosa Osmani është e dominuar nga kryeministri Albin Kurti.
“Sipas meje, nuk kemi presidente fare, nuk e kryen rolin e presidentes, madje nuk ka as pavarësi që do të duhej tri pushtete të jenë të pavarura. Ajo është e dominuar komplet nga Kurti, nën urdhrat e Kurtit”, ka thënë Tahiri, raporton Dukagjini.
Tahiri ka thënë se as presidentja Vjosa Osmani e as ministrja e Jashtme, Donika Gërvalla, nuk kanë folur fillimisht asgjë pas pranimit të marrëveshjes nga Kurti në muajin shkurt.
“Nëse ia qel pak derën Kurti, ajo (presidentja) dy fjalë edhe atë me drojë. Kur e pranoi Kurti marrëveshjen e parë në shkurt, as presidentja e as ministrja e Jashtme nuk flisnin thuajse asgjë nuk ndodhi në Bruksel, derisa kaluan me ditë të tëra kur tha Kurti që u arrit marrëveshja”, është shprehur ajo.
/Shqip.com
