Synimi i Juventusit – quhet Antonio Rudiger

Ofertat në drejtim të tij kanë vërshuar.

Dy arsyet kryesore janë: paraqitjet në fushën e gjelbër dhe fakti që nuk e ka vazhduar kontratën.

Antonio Rudiger – është shndrruar në prioritetin e Juventusit – teksa paraprakisht kërkohej nga Real Madrid dhe Barcelona.

Goal.com shkruan se gjigantët italianë janë të prirur të nënshkruajnë me yllin e bluve dhe po e vëzhgojnë me kujdes situatën e tij.

29 vjeçari nuk po gjen gjuhën e përbashkët për të vazhduar me kampionët e Evropës – teksa edhe situata e krijuar nga largimi i Roman Abromovich i ka komplikuar gjërat.

Shtatëgjati po kalon në formë jetësore – që kur Thomas Tuchel e mori drejtimin e Chelseat.

Së bashku me Thiago Silvan janë bërë një tandem i pazëvendësueshëm dhe është një nga pikat më të forta të londinezëve.

Këtë sezonë, ai ka zhvilluar 26-të paraqitje në Premierligë dhe shtatë në Ligën e Kampionëve, ndërsa ka shënuar tri gola.

29 vjeçari është pjesë e Chelseat që nga viti 2017, ndërsa në të kaluarën kishte luajtur për Romën dhe Stuttgartin./Shqip.com