Sulm në New York, 10 persona mbesin të plagosur
10 persona kanë mbetur të plagosur në lagjen Queens në Neë York pasi dy burra sulmuan turmën jashtë një lokali, njoftoi të dielën policia.
Të shtënat u dëgjuan pak para orës 11 të së shtunës.
Sipas policisë, tetë burra dhe dy gra, të moshave nga 19 deri në 72 vjeç, të gjithë u shtruan në spital me dëmtime jashtë rrezikut për jetën.
Viktima më e plagosur rëndë pësoi një goditje me armë në stomak, tha shefi i detektivëve të NYPD, James Essig, raporton AP, transmeton Shqip.com.
Policia tha se dy personat e armatosur mbërritën në vendngjarje në këmbë, por u larguan duke u hedhur mbi kurrizin e dy motoçikletave të drejtuara nga dy burra të tjerë.
Të katër ishin të veshur me xhup dhe kapuç, tha policia.
“Ky ishte një sulm i pacipë, i koordinuar, për mungesë të një fjale më të mirë,” tha Essig. “Kjo është e papranueshme dhe duhet të ndalet.”
Askush nuk ishte në paraburgim që nga mëngjesi i së dielës, dhe policia tha se do të publikonte fotografi dhe video nga vendi i ngjarjes./SHQIP.com
🚨WANTED for ASSAULT: On 7/31/21 at approx. 10:41 PM, in front of 97-07 37 Ave in Queens, two males displayed firearms and shot into a crowd striking 10 people, then 2 additional suspects picked them up on scooters and fled. Any info? DM @NYPDTips, or call them at 800-577-TIPS. pic.twitter.com/kepo3L6i0b
— NYPD NEWS (@NYPDnews) August 1, 2021