Sulm me thikë në Kanada, 10 të vdekur

Policia kanadeze ka nisur një gjueti të madhe për dy burra të dyshuar se vranë me thikë të paktën 10 persona.

Dy të dyshuar të quajtur Damien Sanderson dhe Myles Sanderson janë në arrati dhe konsiderohen të armatosur dhe të rrezikshëm, raporton BBC.

Pikat e kontrollit janë ngritur në të gjithë provincën qendrore të Saskatchewan, me banorët që u kërkohet të strehohen brenda.

Viktimat u gjetën në 13 vende në komunitetin indigjen të largët James Smith Cree Nation dhe Weldon.

Policia ju ka bërë thirrje banorëve të jenë jashtëzakonisht vigjilentë.

Ky është një nga aktet më vdekjeprurëse të dhunës masive që Kanadaja ka parë ndonjëherë.

Kryeministri Justin Trudeau i përshkroi sulmet si “të tmerrshme dhe zemërthyese”.

“Jam i tronditur dhe i shkatërruar nga sulmet e tmerrshme sot.Ata që janë përgjegjës për sulmet e neveritshme të sotme duhet të sillen plotësisht para drejtësisë”.

Ndërsa lajmet për goditjet me thikë u përhapën, një alarm për persona të rrezikshëm u dërgua në të gjithë telefonat celularë në të gjithë provincat e Saskatchewan, Manitoba dhe Alberta – një rajon i madh pothuajse sa gjysma e Evropës.

Një gjendje e jashtëzakonshme u shpall në James Smith Cree Nation – një komunitet me rreth 2,000 banorë në veri-lindje të fshatit Weldon, i cili është shtëpia e vetëm 200 njerëzve.

“Mos lini një vend të sigurt. Kini kujdes duke lejuar të tjerët të hyjnë në banesën tuaj,” paralajmëroi Policia Mbretërore Kanadeze e Saskatchewan (RCMP) njerëzit në zonën e gjerë të kërkimit.

Janë ngritur postblloqe të shumta dhe drejtuesve të mjeteve u është kërkuar që të mos marrin autostopët.

Ende nuk ka asnjë informacion për motivin e krimit.

Marrëdhënia midis Damien Sanderson, 31 vjeç dhe Myles Sanderson, 30 vjeç, është e paqartë dhe autoritetet deri më tani nuk kanë dhënë detaje të mëtejshme.

Në një konferencë shtypi të dielën në mbrëmje, policia tha se mund të kishte më shumë njerëz të plagosur se 15 që ata kishin njohur tashmë, të cilët ishin dërguar në spital./Shqip.com