Suedia ofron ndihmë të re ushtarake për Ukrainën

Kryeministrja e Suedisë, Magdalena Andersson, të hënën tha se Suedia do të ofrojë një pako të re të ndihmës ushtarake për Ukrainën.

Kjo do të bëhet me qëllim që Ukraina ta mbrojë veten nga pushtimi i Rusisë.

Paketa e re e ndihmës do të jetë në vlerë prej 500 milionë krunash apo 46.75 milionë dollarësh, raporton REL.

Andersson, pas u takua me ministrin e Jashtëm ukrainas, Dmytro Kuleba, tha se Qeveria e saj do të ofrojë edhe një paketë të ndihmës prej 1 miliard krunash.

Kjo do të jetë ndihmë ushtarake dhe civile për Ukrainën.

Kuleba tha se Suedia do t’i ofrojë shtetit të tij armë sikurse obusë dhe granata.

“Për aq kohë sa lufta vazhdon, ne do të kërkojmë më shumë armë”, tha Kuleba.

“Çdo euro, çdo plumb, çdo granatë është e rëndësishme”, shtoi ministri ukrainas.

Kryeministrja suedeze nuk dha detaje për paketën ushtarake, por tha se do të jetë e ngjashme me ndihmën e mëparshme, që ka përfshirë armë kundërtanke, pajisje për mbrojtjen e ushtarëve dhe pajisje për pastrimin e minave.

“Ne do të vazhdojmë të mbështesim Ukrainën për aq kohë sa lufta vazhdon”, tha Andersson.

Qëkur Rusia nisi pushtimin e Ukrainës më 24 shkurt, shtetet perëndimore kanë ofruar ndihmë ushtarake dhe civile për Kievin./Shqip.com