Suedia mposht Kosovën U20
Publikuar:
(15.07.2022 20:58:42)
Kosova është mposhtur nga Suedia me rezultat të thellë 81:69, në FIBA Kampionatin Evropian, Divizioni B, për meshkuj U20.
Në ndeshjen që u zhvillua në Gjeorgji, periudha e parë ishte e barabartë dhe përfundoi me shifrat 16:13 për Dardanët.
Por në çerekun e dytë suedezët filluan një seri të suksesshme, duke shkuar në pushim me shifrat 39:31.
Ndërkohë, dy çerekët e pjesës së dytë ishin të barabartë, por skuadra kundërshtare u tregua më e vëmendshme, duke i fituar dhe sfida përfundoi 81:69.
Te Kosova, Drilon Shala dhe Dion Sheqiri shënuan nga 13 pikë, kurse Fatlind Shoshaj shtoi 10.
Ndeshjen e ardhshme, Kosova e zhvillon ndaj Maqedonisë Veriore, të dielën nga ora 12:30, ndërsa më pas do të përballet me Gjeorgjinë dhe Austrinë./Shqip.com