Specialja: Goxhaj dyshohet për frikësim të personave zyrtarë

Gjykata Speciale e ka konfirmuar arrestimin e ish-oficerit të UÇK-së, Dritan Goxhaj. Sipas njoftimit për media, Goxhaj u arrestua në Tiranë nga autoritetet e Shqipërisë, gjatë ditës së sotme.

Tutje, në njoftim thuhet se ai dyshohet për frikësim dhe pengim të personave zyrtarë, në kryerjen e detyrave të tyre.

Ndaj tij, sipas Speciales, kishte fletë-arrest të lëshuar nga një gjykatës i Dhomave të Specializuara të Hagës.

“Më 31 korrik 2023, autoritetet e Shqipërisë arrestuan z. Dritan Goxhaj në Tiranë. DHSK-ja kërkoi bashkëpunimin dhe ndihmën e autoriteteve shqiptare për arrestimin e z. Goxhaj dhe dorëzimin e tij në DHSK, mbi bazën e fletarrestimit të lëshuar nga një gjykatës i DHSK-së në lidhje me  vepra penale kundër administrimit të drejtësisë që përfshijnë frikësim dhe pengim të personave zyrtarë në kryerjen e detyrave të tyre zyrtare”, tha Specialja.

Njoftimi i plotë:

Më 31 korrik 2023, autoritetet e Shqipërisë arrestuan z. Dritan Goxhaj në Tiranë. DHSK-ja kërkoi bashkëpunimin dhe ndihmën e autoriteteve shqiptare për arrestimin e z. Goxhaj dhe dorëzimin e tij në DHSK, mbi bazën e fletarrestimit të lëshuar nga një gjykatës i DHSK-së në lidhje me vepra penale kundër administrimit të drejtësisë që përfshijnë frikësim dhe pengim të personave zyrtarë në kryerjen e detyrave të tyre zyrtare. Z. Goxhaj do të mbahet i paraburgosur në Shqipëri në pritje të vendimit të autoriteteve shqiptare lidhur me transferimin e z. Goxhaj në objektin e paraburgimit të DHSK-së në Hagë.
Më vonë do të jepet më shumë informacion.