Spanja ia shuan Greqisë endrrën për Botëror, Gjermania dhe Kroacia “tallen” me kundërshtarët

Ëndrra e Greqisë për të marrë pjesë në Kampionatin Botëror “Katari 2022” ka marrë fund sonte.

Spanja ka realizuar fitore minimal 0-1, në Athinë për t’i dhënë fund shpresës së grekëve dhe për ta rrëmbyer për vete vendin e parë në Grupin B, shkruan Shqip.com.

Në këtë takim, “La Roja” ishte skuadër domuinuese nga fillimi dhe arriti që në fund të arkëtonte pikët e plota.

Autor i golit të vetëm në këtë takim ishte, Pablo Sarabia.

Sulmuesi i PSG-së, realizoi nga pika e bardhë kur po zhvillohej minuta e 40-të dhe i dhurou skuadrës së tij pikët e plota.

Me këtë fitore, spanjollët janë lider në Grupin B, me 16 pikë, një më shumë se Sudia që pësoi humbje befasuese nga Gjeorgjia.

Kurse, Greqia mbetet në pozitën e tretë, me nëntë pikë.

Në ndeshjet e tjera, fitore të thella kanë shënuar Gjermania dhe Kroacia.

Gjermanët kanë mposhtur Lihtenshtajnin me rezultat 9-0, ndërsa Kroacia ka triumfuar në udhëtim ndaj Maltës, me rezultat 1-7.

Për kombëtaren gjermane, ndeshje të mirë zhvilluan Marco Reus dhe Leroy Sane që realizuan nga dy gola.

Kurse, për Kroacinë, në formë të lartë ishte Lovro Majer që realizoi dy herë.

Në ndeshjet e tjera u shënuan këto rezultate:

Irlanda 0-0 Portugalia

Sllovakia 2-2 Sllovenia

Romania 0-0 Islanda /Shqip.com