Sot, takimi “i vështirë”, Ten Hag – Ronaldo

Te Manchester United nuk mund të ketë qetësi derisa të mos zgjidhet problemi me Cristiano Ronaldon.

Portugezi refuzoi të futej në fushën e lojës në minutat e fundit të ndeshjes ndaj Tottenham dhe u largua drejt dhomave të zhveshjes ende pa përfunduar sfida.

Për këtë veprim, ai është dënuar nga klubi dhe sot do të ndodhë një takim kokë më kokë mes portugezit dhe Erik Ten Hag, trajnerit të tij.

Thuhet se, sot Ten Hag do të pyesë Ronaldon nëse do të largohet në janar apo jo, dhe burime të tjera brenda klubit kanë thënë se Manchester United dëshiron ta lirojë atë nga kontrata.