“Sofra e Varrit”, fiton çmimin kryesor në ‘INONU Film Festival’
Shqip
Prodhimet filmike të Kosovës, po vazhdojnë të shënojnë suksese në botë.
Së fundmi filmi “Sofra e Varrit”, ka shënuar edhe një sukses tjetër.
Filmi i shkurtët artistik me regji të Mirak Zymberaj dhe skenar të Mentor Zymberaj, ka fituar çmimin kryesor në kategorinë “Best Short Film” në ‘INONU Film Festival’ në Turqi.
Lajmin e ka bërë të ditur vetë skenaristi Zymberaj, përmes një postimi në rrjetin social Facebook.
“Filmi SOFRA E VARRIT në regji të Mirak Zymberaj vlerësohet me Çmimin kryesor – Best Short Film, në INONU Film Festival ne Turqi ( edicioni XIV)”, ka shkruar ai.
Ky është edicioni i 14-të i këtij festivali prestigjioz ndërkombëtar.
“Sofra e Varrit”, trajton luftën e fundit në Kosovë, “Sofra” simbolizon lojën “psiqike” të Ukës dhe luftën për mbijetesë, për të shpëtuar nga duart e paramilitarëve./Shqip.com
