Slavia Prague në Prishtinë – kërkojnë fitoren kundër Ballkanit

Slavia Prague, kundërshtari i radhës i Ballkanit ka mbërritur në Prishtinë.

Teksa skuadra çeke po shijon qëndrimin në Kosovë – qëllimi i tyre mbetet i palëkundur.

Në konferencën për media të mbajtur të mërkurën para ndeshjes, trajneri Jindrich Trpisovsky ka treguar respekt të madh për skuadrën nga Suhareka, por kërkon tri pikë të plot.

“Mendoj se do të jetë shumë e ngjashme sepse ata i kanë luajtur të gjitha ndeshjet në grup ashtu. Nga një mbrojtje e sigurt ata duan të hapin hapësirë ​​për kundërsulme. Ata lojtarë janë shumë të shpejtë në tranzicion dhe hapësira e hapur i tregon. Ne jemi të fokusuar që të fitojmë të dyja ndeshjet dhe të marrim gjashtë pikë. Hapi i parë na pret ndaj një kundërshtari për të cilin kam shumë respekt, gjë që e kam thënë edhe para ndeshjes së parë dhe e kanë konfirmuar edhe në grup. Ne duhet të menaxhojmë lojën dhe të fitojmë për të mbajtur shansin tonë deri në ndeshjen e fundit”, tha ai.

600 tifozë çekë kanë paralajmëruar ardhjen në “Fadil Vokrri”, e këtë Trpisovsky e cilëson si të admirueshme.

“Është e admirueshme që edhe në javën e punës të bëhet një event i tillë dhe të vijnë njerëz. Jemi shumë të lumtur për këtë, jemi shumë të lumtur. Shpresojmë t’i kënaqim me paraqitjen tonë në fushë, se performanca jonë do të jetë si në Cluj, por do të kthejmë rastet dhe do të jemi më të mirë në mbrojtje. Shpresojmë se do t’ua shpërblejmë atyre besimin e tyre për të na ndjekur dhe do të vazhdojmë me performancat që kemi pasur së fundmi.”

Ndeshja do të zhvillohet të enjten me fillim nga ora 21:00.