Sindikatat e shëndetësisë mbështesin SBAShK-un në kërkesën për Ligjin e Pagave

Federata e Sindikatave të Shëndetësisë së Kosovës thotë se e mbështetë Sindikatën e Bashkuar të Arsimit, Shkencës dhe Kulturës, e cila të premten njoftoi se protestojë më 4 dhjetor për shkak të mosmiratimit të Ligjit për Paga.

Nga kjo sindikatë kanë thënë se nëse Qeveria nuk reflekton, do të merren masa të tjera sindikale duke mospërjashtuar edhe grevën në janar.

Sipas FSShK-së, kërkesa për Ligjin e Pagave është legjitime, ndërsa kanë njoftuar se do t’i adresohen Qeverisë me kërkesë për përfshirje në hartim të këtij ligji duke kërkuar që ai të implementohet me buxhetin e vitit të ardhshëm.

“Qeveria edhe njëherë ka treguar se nuk i përfill punëtorët shëndetësor respektivisht të punësuarit në institucione publike duke ia dërguar Projektligjin për paga në sektorin publik për komente menaxhmenteve të institucioneve e jo përfaqësuesve të punëtorëve të cilët me kohë kanë reaguar për transparencë dhe bashkëpunim në hartim të këtij Projektligji”, thuhet në komunikatën për media.

Kërkesën FSShK-ja thotë se do ta bëjë pas zgjedhjeve lokale të 14 nëntorit./SHQIP.com