Pranë kualifikimit/ Shqipëria shënon gol në Moldavi, Çikalleshi tund rrjetën nga penalltia
Publikuar:
(17.11.2023 18:50:57)
Shqipëria po fiton me shifrat 1:0 në Chisinau përballë Moldavisë vendase.
Minuta e 25 solli golin për kuqezinjtë nga pika e bardhë e penalltisë.
Mbrojtësi moldav bën ndërhyrje të gabuar ndaj Taulant Seferit në zonën e rreptësisë.
Gjyqtari bën shenjë nga pika e bardhë. Sulmuesi kuqezi Cikalleshi nuk gabon përballë portës duke kaluar në epërsi Shqipërinë.
Teksa ndeshja është duke u luajtur, nëse “Shqiponjat” do të ruajnë avantazhin do të numërojnë 16 pikë, në krye të Grupit E.
Vetëm 45 minuta e ndajnë Shqipërinë nga kualifikimi në Euro 2024. Megjithatë, kuqezinjve iu mjafton edhe një pikë për të shkuar në Gjermani verën e ardhshme.
/Shqip.com
