Shpërthimet tronditin bazën ruse në Krime të Ukrainës

Një bazë ushtarake në Krimenë e pushtuar nga Rusia është goditur nga një seri shpërthimesh, duke lënë të lënduar të paktën dy persona.

Zyrtarët rusë thanë se një zjarr shkaktoi shpërthimet në një depo armësh në zonën Dzhankoi në Krimenë veriore.

Sipas BBC zjarr ishte i dukshëm edhe në një nënstacion të energjisë elektrike.

Tutje thuhet se çfarë i shkaktoi shpërthimet është e paqartë, por javën e kaluar avionët luftarakë rusë u shkatërruan në një sulm të dukshëm ukrainas në bregun e Krimesë.

Crimea, Dzhankoy

Explosions at the ammunition depot – media in the occupied Crimea pic.twitter.com/6zowH6H6Nw

— Anton Gerashchenko (@Gerashchenko_en) August 16, 2022

Ministria ruse e mbrojtjes tha se zjarri kishte shpërthyer në një depo të përkohshme municionesh pranë fshatit Maiske rreth orës 06:15 me orën e Moskës (03:15 GMT) dhe se shkaku ishte duke u hetuar. Ministria tha se nuk kishte viktima “serioze”, por një zyrtar i emëruar nga Rusia tha se dy persona ishin plagosur.

Këshilltari i zyrës presidenciale të Ukrainës, Mykhailo Podolyak e përshkroi incidentin si “çmilitarizim në veprim”, duke treguar se shpërthimet nuk ishin aksidentale. Një udhëheqës tatar i Krimesë, Refuat Çubarov, i përshkroi gjithashtu shpërthimet si një “goditje” që mund të dëgjohej “larg nëpër stepë”.

Krimea u kap nga Ukraina dhe më pas u aneksua nga Rusia në fillim të vitit 2014./SHQIP.com