Shperthen gypi i ujit në Hajvali, disa zona mbesin pa ujë të pijes
Shqip
Ka shpërthyer një gyp i ujit në Hajvali të Prishtinës, dhe si pasojë e kësaj disa zona mbesin pa ujë të pijes.
Përmes një njoftimi të bërë nga “KRU Prishtina” thuhet se pa ujë do të mbesin Hajvalia, Çagllavica, Veterniku, lagjia “Qëndres” dhe “Qershia”.
“Prishtinë, 3 gusht – Para pak çastesh, ka pëlcitur gypi i ujit me diametër fi 200 mm në fshatin Hajvali. Pa ujë të pijshëm mbesin këto zona: fshati Hajvali, Çagllavica, Veterniku ( pjesa kah ” Gorenje”), lagjja “Qëndresa” dhe lagjja ” Qershia”, thuhet në njoftimin e tyre.
Po ashtu, është njoftuar se ekipet e mirëmbajtjes së rrjetit të ujësjellist kanë dalur në vendin e ngjarjës.
“Ekipet e mirëmbajtjes së rrjetit të ujësjellësit janë në vendin e ngjarjes dhe po merren me sanimin e defektit në gyp. Po besojmë në sanim sa më të shpejtë”.
Nga “KRU Prishtina” rekomandojnë që pasi të rikthehet furnizimi me ujë të pijshëm, që krojet t’i leni hapur për pak minuta deri në kthjellim./Shqip.com
