Shkarkohet Kujtim Gashi, drejtor i Agjencisë së Shoqërisë së Informacionit
Shqip
Qeveria e Kosovës ka marrë vendim që të shkarkojë drejtorin e Përgjithshëm i Agjencisë së Shoqërisë së Informacionit, Kujtim Gashi.
Kryeministri Kurti ka thënë së vazhdimi i mandatit të Gashit ishte në kundërshtim me ligjin.
“Vazhdimi i mandatit ishte bërë në kundërshtim me dispozitat e ligjit dhe me rregulloren për pozitat e larta”, tha Kurti.
Edhe ministri i Punëve të Brendshme, Xhelal Sveçla, tha se për këtë rast nuk është paraparë vazhdimi i mandatit.
“Për këtë rast nuk është paraparë vazhdimi i mandatit të dytë e as të tretë. Me qëllim të kthimit të ligjshmërisë kërkoj nga ju që ta aprovoni këtë vendim”, tha Sveçla.
Kujtojmë që vendimin për vazhdimin e mandatit edhe për 3 vite për Gashin, e kishte marrë ish-kryeministri Ramush Haradinaj, në janar të vitit 2020./Shqip.com
