SHBA-ja i bojkoton Lojërat Olimpike Dimërore “Pekini 2022”

SHBA ka shpallur bojkot diplomatik të Lojërave Olimpike Dimërore 2022 në Pekin të Kinës.

Shtëpia e Bardhë ka deklaruar se asnjë delegacion zyrtar nuk do të dërgohej në këtë ngjarje për shkak të shqetësimeve në lidhje me të drejtat e njeriut në Kinë.

Sekretarja e shtypit e Shtëpisë së Bardhë Jen Psaki tha se atletët amerikanë mund të merrnin pjesë dhe do të kishin mbështetjen e plotë të qeverisë.

Kina ka thënë më parë se do të marrë “kundërmasa të vendosura” në rast të një bojkoti.

Presidenti i SHBA-së, Joe Biden, tha muajin e kaluar se ai po shqyrtonte një bojkot diplomatik të ngjarjes.

Jen Psaki konfirmoi bojkotin të hënën, duke thënë se administrata nuk do të kontribuojë në “fanfare” të Olimpiadës.

“Përfaqësimi diplomatik ose zyrtar i SHBA-së do t’i trajtonte këto lojëra si biznes si zakonisht përballë abuzimeve skandaloze të të drejtave të njeriut dhe mizorive të Kinës”.

“Ne thjesht nuk mund ta bëjmë këtë”, tha ajo. /Shqip.com