Shahini: 10 milionë euro humbje të Serbisë nga ndalimi i mallrave

Rreth 10 milionë euro janë humbjet e Serbisë shkaku i bllokimit të mallrave në Kosovë, si pasojë e vendimit të autoriteteve kosovare ndaj arrestimit të zyrtarëve policor.

Këtë e ka bërë të ditur Kryetari i Aleancës Kosovare e Bizneseve (AKB), Agim në një konferencë për medie, me ç’rast tha se si AKB, e përkrah këtë masë.

Shahini tha se nga ndalimi i shkëmbimeve tregtare me Serbinë dhe ndikimi i saj në ekonominë kosovare është 1 milion euro.

“Në këtë drejtim ne si AKB kemi hulumtuar nga data 15 qershor deri më sot të situatës ekonomike dhe politike Se bizneset në Serbi kanë deri në 30 milionë euro në Serbi. Ekziston edhe një rrezik i maunave që janë bllokuar për shkak të masës që e ka marrë Qeveria e Kosovës si masë kundër arrestimit të tre zyrtarëve policor.

Kosova nuk ka mundur të marrë masë tjetër dhe humbja e Serbisë për këto shtatë ditë është 10 milionë euro dhe nga ana e Kosovës është 1 milion euro”, tha Shahini.

“Është kundërpërgjigje e kidnapimit të tre zyrtarëve policor andaj ne u bëjmë thirrje presidentit Vuçiq që t’i lirojë policët, andaj ne si AKB e përkrahim këtë masë dhe pas lirimit të tre zyrtarëve policor, kërkojmë që të hiqet kjo masë”, përfundoi Shahini./EO